Niejmara aštrafavali na 5 miljonaŭ dalaraŭ. I heta nie źviazana z futbołam
Forvard «PSŽ» i zbornaj Brazilii Niejmar byŭ aštrafavany na 16 miljonaŭ reałaŭ (kala 5,3 młn dalaraŭ) za raboty pa stvareńni štučnaj sažałki ŭ svaim domie ŭ kandaminiumie na Košta-Vierde bliz Rya-de-Žaniejra, jak piša G1.Globo.
Niejmar naviedvaje «Hran-pry Ispanii» Formuły-1. Gongora / NurPhoto via Getty Images
U rašeńni hienieralnaha prakurora municypaliteta Žurasijara Soŭzy Miendeš da Siłvy havorycca, što ažyćciaŭlałasia hetaja dziejnaść biez naležnaha ekałahičnaha kantrolu, što karajecca štrafam u 10 miljonaŭ reałaŭ (3,1 miljona dalaraŭ). Akramia taho, rabota ažyćciaŭlałasia biez naležnaha dazvołu (štraf 5 miljonaŭ reałaŭ), a taksama była źniščanaja raślinnaść i zrobleny ŭvachod u voziera paśla zabarony (štraf — 1 miljon reałaŭ).
Fota: sacyjalnyja sietki
Spravazdača pra abśledavańnie na 46 staronkach była zroblenaja 22 červienia paśla ananimnaj skarhi i była padpisanaja dvuma bijołahami, leśnikom, sanitarnym leśnikom, inžynieram-chimikam i akijanohrafam.
U hulca jość 20 dzion, kab padać apielacyju.
Niejmar kupiŭ učastak 10 tys. kv. m u 2016 hodzie.
Fota: sacyjalnyja sietki
Čytajcie taksama:
18-hadovy niderłandski aŭtahonščyk raźbiŭsia padčas spabornictvaŭ
Sud nad hałoŭnym trenieram «PSŽ» projdzie 15 śniežnia. Jamu pahražaje da troch hadoŭ turmy