Palitviaźnia Uładzimira Knihu buduć sudzić pa novaj kryminalnaj spravie
Stała viadoma, što ŭ Žodzinie 29 červienia adbudziecca sud nad fihurantam «spravy Cichanoŭskaha» Uładzimiram Kniham pavodle art. 411 KK (Złosnaje niepadparadkavańnie zakonnym patrabavańniam administracyi kałonii), jak paviedamlaje «Viasna».
Kniha — były siłavik, vałancior kamandy Śviatłany Cichanoŭskaj. Jaho asudzili pavodle dvuch artykułaŭ Kryminalnaha kodeksa. 2 červienia 2021 hoda paśla doŭhaha sudovaha pracesu ŭ hrodzienskim sudzie Uładzimiru prysudzili 4 hady kałonii va ŭmovach strohaha režymu. Paźniej palitviaźniu ŭzmacnili režym i pieraviali ŭ žodzinskuju turmu.
Spravu budzie razhladać sudździa Ivan Hrynkievič, jon ža niadaŭna asudziŭ pavodle hetaha artykuła i Siarhieja Cichanoŭskaha.
Čytajcie taksama:
Sajt homielskaha vydańnia «Fłahštok» zabłakavali na terytoryi Rasii
Eks-palitviaźniu Ramualdu Ułanu pryznačyli troje sutak aryštu