U Polščy ŭpieršyniu pryznačyli dušpastyra dla biełaruskaj katalickaj supolnaści
3 červienia mitrapalit Hdański Tadevuš Vojda na sustrečy z duchavienstvam uručyŭ dekret ksiandzu Piatru Urubielu, pavodle jakoha śviatar staŭ dušpastyram cupolnaści biełarusaŭ, što žyvuć na terytoryi Hdańskaj archidyjacezii, piša Biełaruskaja słužba Polskaha radyjo.
Kaścioł Śviatoha Juzafa ŭ Hdańsku. Fota: infogdansk.pl
Supolnaść biełarusaŭ-katolikaŭ u Hdańsku źbirajecca na Jeŭcharystyju na rodnaj movie z 2019 hoda. Ź vieraśnia 2021 hoda śviataja imša pa-biełarusku pačała adbyvacca kožnuju niadzielu i ŭ vialikija ŭračystaści.
Pryznačany dušpastyram supolnaści ksiondz Piotr Urubiel šmat hadoŭ słužyŭ u Biełarusi: u Łučai, Duniłavičach, Hłybokim (Viciebskaja dyjacezija), a taksama ŭ Zasłaŭi (Minska-Mahiloŭskaja archidyjacezija).
Taksama dušpastyrstvam biełarusaŭ-katalikoŭ Hdańska ciapier zajmajecca ksiondz Andrej Bulčak, jaki šmat hadoŭ nios słužeńnie ŭ Viciebskaj dyjacezii.
Śviataja imša na biełaruskaj movie ŭ Hdańsku adbyvajecca kožnuju niadzielu ŭ 14:30 u kaściole Śviatoha Juzafa pa adrasie: Elżbietańska 9/10.
Čytajcie taksama:
U Minsku mohuć začynić jašče adzin kaścioł?
U Mahilovie padčas nabaženstva hraŭ na arhanie sam miascovy biskup VIDEA
U Mahilovie prybrali pomnik Papu Janu Paŭłu II. Ale časova — tolki dla restaŭracyi