Šajhu paabiacaŭ rezki adkaz na sproby praryvu dyviersantaŭ
Rasija apieratyŭna i žorstka budzie adkazvać na sproby praryvu ŭkrainskich farmavańniaŭ na terytoryju Rasii, zajaviŭ ministr abarony Siarhiej Šajhu.
Siarhiej Šajhu. Fota: kremlin.ru
Šajhu raskazaŭ, što 22 maja «ŭkrainskija dyviersanty» pranikli ŭ Biełharodskuju vobłaść. U časie kontrterarystyčnaj apieracyi vialikaja častka była zabłakavana i razhromlena, tyja, što zastalisia, adkinuty na terytoryju Ukrainy, «dzie pa ich praciahvałasia naniasieńnie paražeńnia da poŭnaj likvidacyi». Straty siarod dyviersantaŭ skłali bolš za 70 čałaviek, piša RBK.
«Na padobnyja dziejańni ŭkrainskich bajevikoŭ i ŭ dalejšym budziem reahavać apieratyŭna i hranična žorstka», — skazaŭ ministr na pasiadžeńni kalehii viedamstva.
22 maja ŭ Hrajvaronskuju haradskuju akruhu na miažy z Ukrainaj pranikła ŭzbrojenaja hrupa. Adnačasova było abstralana bolš za dziasiatak nasielenych punktaŭ. U rehijonie ŭvodzili režym kontrterarystyčnaj apieracyi. U vyniku napadu 13 mirnych žycharoŭ atrymali ranieńni, adzin čałaviek zahinuŭ.