Čarhovy palitviazień pakinuŭ Biełaruś
Dźmitryj Abramuk całkam adbyŭ termin 22 krasavika i vyjšaŭ na volu. Siońnia jon pakinuŭ krainu.
«Ja źjechaŭ ź Biełarusi ŭ metach biaśpieki. Ciapier ja chaču ŭźjadnacca ź siamjoj — niaviestaj i jaje dačkoj, jakija taksama byli vymušanyja pakinuć krainu z-za mianie. Darečy, u majoj dački dzień narodzinaŭ — chočacca pavinšavać jaje pa mahčymaści», — kaža Dźmitryj.
Pieršapačatkova palitviaźnia asudzili da 2 hadoŭ «chimii» pa «spravie karahodaŭ». Paśla jamu dadali jašče 1 hod źniavoleńnia za «abrazu Łukašenki».
Pakul Abramuk adbyvaŭ pakarańnie ŭ PUAT № 9, jon sutyknuŭsia ź ciskam z boku administracyi — jaho nieadnarazova źmiaščali ŭ ŠIZA. Praz heta jamu zamianili chimiju na kałoniju. Bolš za hod Dźmitryj utrymlivaŭsia ŭ kałonii № 1, dzie taksama zaznaŭ cisk.