U Biarezinskim rajonie ŭ vyniku DTZ zahinuŭ školnik
Dva čałavieki zahinuli i try atrymali traŭmy ŭ darožna‑transpartnym zdareńni, jakoje adbyłosia nočču 14 listapada ŭ Biarezinskim rajonie Minskaj vobłaści.
Jak paviedamili ŭ adździaleńni infarmacyi i hramadskich suviaziej UUS Minskaha abłvykankama, u 1.45 blizu vioski Kamienny Barok 30‑hadovy hramadzianin Rasii, žychar Maskvy, nie spraviŭsia z kiravańniem aŭtamabilem «KIA». U vyniku mašyna źjechała ŭ kiuviet, urezałasia ŭ dreva i zaharełasia.
Zahinuli kiroŭca aŭtamabila i adzin z čatyroch pasažyraŭ — 14‑hadovy chłopčyk, vučań Kamiennaborskaj siaredniaj škoły.
U Biarezinskuju rajonnuju balnicu dastaŭleny žychary hetaj vioski, 1983 i 1991 hadoŭ naradžeńnia, i 15‑hadovaja žycharka vioski Krapiŭnia.
Pavodle hetaha fakta raspačata sprava na padstavie č. 3 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ).
Jak paviedamili va ŭpraŭleńni Dziaržaŭtainśpiekcyi MUS, za minułyja troje sutak u Biełarusi zarehistravana 75 DTZ z paciarpiełymi. U avaryjach zahinuli 19 čałaviek i 77 atrymali ranieńni. Šeść darožna‑transpartnych zdareńniaŭ adbylisia pa vinie pjanych vadzicielaŭ. Za kiravańnie aŭtatranspartam u stanie ałkaholnaha apjanieńnia zatrymany 518 kiroŭcaŭ.
Za parušeńnie praviłaŭ darožnaha ruchu da adkaznaści pryciahnuty 4.248 piešachodaŭ; 2.766 ź ich znachodzilisia na darozie ŭ ciomny čas sutak bieź śviatłoadbiŭnych elemientaŭ.
Za niapropusk piešachodaŭ na pierachodach da adkaznaści pryciahnuty 593 vadzicieli.