Žychara Homiela asudzili na piać hadoŭ strohaha režymu
Homielskim abłasnym sudom u zakrytym sudovym pasiadžeńni 10 maja vyniesieny prysud pa kryminalnaj spravie ŭ dačynieńni da Viktara Jaromienki, abvinavačanaha ŭ raspalvańni inšaj sacyjalnaj varožaści albo varažniečy pavodle č. 1 art. 130 Kryminalnaha kodeksa i inšych złačynstvach, piša «Viasna».
Homielski abłasny sud
Sudovy praces, jaki pačaŭsia jašče 21 krasavika, vioŭ sudździa Rusłan Caruk.
Akaličnaści spravy, aproč prysudu, pakul pravaabaroncam nieviadomyja.
Abvinavačany Jaromienak pryznany vinavatym u naŭmysnych dziejańniach, nakiravanych na ŭzbudžeńnie nacyjanalnaj i inšaj sacyjalnaj varožaści pa prykmiecie nacyjanalnaj i inšaj sacyjalnaj prynaležnaści, i jamu pryznačana pakarańnie ŭ vyhladzie pazbaŭleńnia voli terminam čatyry hady.
Jon ža pryznany vinavatym u stvareńni jaŭnaj niebiaśpieki dla inšaj asoby praz zaražeńnie virusam imunadeficytu čałavieka (VIČ), i na padstavie č. 1 art. 157 Kryminalnaha kodeksa jamu pryznačana pakarańnie ŭ vyhladzie pazbaŭleńnia voli terminam adzin hod i šeść miesiacaŭ.
Šlacham častkovaha składańnia vyniesienych prysudaŭ Jaromienku kančatkova pryznačana pakarańnie ŭ vyhladzie pazbaŭleńnia voli na termin piać hadoŭ z adbyvańniem u papraŭčaj kałonii va ŭmovach strohaha režymu.
Mabilny telefon kanfiskavany ŭ dachod dziaržavy.
Čytajcie taksama:
U Čašnikach žančynu asudzili za bieła-čyrvona-bieły tort u «Adnakłaśnikach»
U Hrodnie zatrymali načalnicu adnaho z adździełaŭ Pryjorbanka