Hieneralny sakratar «Chiezbały». Šejch Chasan Nasrała ŭ pytańniach i adkazach
Šejch Chasan Nasrała ŭ pytańniach i adkazach
Z hledzišča izrailcianaŭ jon -- niebiaśpiečny fanatyk, adnak u astatnich krainach rehijonu jaho ŭvažajuć za hieroja.
Syn kramnika, Chasan Nasrała naradziŭsia ŭ paŭdniovym Bejrucie ŭ 1960-ch. Paśla taho, jak u Libanie ŭ 1975 h. pačałasia hramadzianskaja vajna, jaho siamja źbiehła na poŭdzień krainy, u viosku, dzie žyli jahonyja prodki. Tam Chasan ustupiŭ u ruch «Amal» – palityčnaja hrupoŭku, jakaja abaraniała intaresy libanskich šyitaŭ. Jon vyvučaŭ jak palityku, tak i Karan, pravioŭšy try hady ŭ šyickim medresie ŭ Nedžefie (Irak). Mienavita tam jon paznajomiŭsia z Sajadam Abasam Musavi, jakoha potym źmianiŭ na pasadzie lidera «Chiezbały».
«Chiezbała była arhanizavana ŭ pačatku 1980-ch na iranskija hrošy. Jaje zadačaj było prymusić izrailskaje vojska, jakoje ŭ toj čas akupavała poŭdzień Libanu, pakinuć krainu. Miarkujuć, što «Chiezbała» maje dačynieńnie da mnohich aktaŭ hvałtu ŭ rehijonie – u tym liku da zhonu samalotaŭ, vykradańnia ludziej i vybuchaŭ u kašarach amerykanskich vajennych piechacincaŭ u Bejrucie ŭ 1983 h. Praŭda, u "Chiezbały" jość sacyjalnaja i palityčnaja prahramy, jakija jana ŭvasablała ŭ paŭdniovym Libanie, čym zdabyła papularnaść u miascovych šyitaŭ. Chasan Nasrała chutka ŭzdymaŭsia pa prystupkach karjery ŭ 1992 h. staŭ lideram «Chiezbały».
Dyplamaty i ŭsie astatnija, chto sustrakaŭsia ź im, apisvajuć jaho jak vielmi razumnaha i adukavanaha čałavieka. Adnojčy ŭ interviju jon zajaviŭ, što pračytaŭ šmat knih, u tym liku aŭtabijahrafii Aryela Šarona i Bienijamina Nietanjachu. Jon žanaty, u jaho piaciora dziaciej. U 1997 h. adzin synoŭ byŭ zabity na poŭdni Libanu izrailskimi vajennymi.
U 2000 h. izrailskaja armija pakinuła poŭdzień Libanu, što tut było pastaŭlena ŭ zasłuhu Nasrale. «Chiezbała» atrymała ministerski partfel u libanskim uradzie, a Nasrała zdabyŭ sabie vidnaje miesca ŭ libanskaj palitycy, manieŭrujučy pamiž partyjami i vystupajučy pasiarednikam pamiž frakcyjami. Jon syhraŭ važnuju rolu ŭ dasiahnieńni damoŭlenaści pra abmien pałonnymi pamiž Izrailem i «Chiezbałoj» u 2004 h., u vyniku čaho ź izrailskich turmaŭ byli vyzvalenyja sotni pielestyncaŭ i libancaŭ.
14 lipienia padčas nalotaŭ izrailskaj avijacyi jahony dom i ofis byli razburanyja. Na nastupny dzień Chasan Nasrała abiacaŭ pačać sapraŭdnuju vajnu suprać Izrailu. Niahledziačy na intensiŭnyja bambiožki, Nasrała žyvy, a jahonyja pramovy rehularna tranślujucca na telekanale «Chiezbały».