U Rasii zatrymali byłoha «vahnieraŭca», jaki raskazaŭ žurnalistu pra złačynstvy va Ukrainie
Zasnavalnik prajekta Gulagu.net Uładzimir Asiečkin paviedamiŭ, što Azamata Ułdarava zatrymali ŭ Sarataŭskaj vobłaści supracoŭniki MUS i dastavili jaho ŭ rajonnaje ŭpraŭleńnie Śledčaha kamiteta.
Azamat Ułdaraŭ. Skryn ź videa
Asiečkin taksama raspavioŭ, što Ułdarava niekalki razoŭ udaryli pa tvary i paabiacali zabić mužčyny, jakija pradstavilisia najmitami PVK «Vahnier». Prajekt Gulagu.net nakiravaŭ da Ułdarava advakata.
Nahadajem, što 17 krasavika Gulagu.net apublikavaŭ videazapis razmovy z dvuma byłymi najmitami PVK «Vahnier» — Azamatam Ułdaravym i Alaksiejem Savičavym. Mužčyny, u pryvatnaści, raskazali pra zabojstvy mirnych žycharoŭ u Bachmucie i Saladary i rasstreły tavaryšaŭ pa słužbie za admovu vajavać.
Paćviardžeńnia ź inšych krynic pakazańniam Ułdarava i Savičava niama.