Kantrabandny tytuń sprabavali pierapravić ź Biełarusi ŭ Litvu bieśpiłotnikam
Litoŭskija pamiežniki pierachapili ŭ Salečnickim rajonie na miažy ź Biełaruśsiu bieśpiłotnik, na jakim zamacavali amal 700 pačkaŭ cyharet ź biełaruskimi akcyznymi markami.
Fota ilustracyjnaje
Jak paviedamlajecca na sajcie pamiežnaj słužby Litvy, bieśpiłotnik, jaki lacieŭ uhłyb litoŭskaj terytoryi, zaŭvažyli praź sistemu videanazirańnia:
«Adrazu ž zadziejničali ŭstanoŭku dla baraćby ź bieśpiłotnikami i pierakryli ŭčastak. Asoba, jakaja kiravała bieśpiłotnikam, u vyšuku».
Padčas ahladu miascovaści zatrymali 25-hadovaha miascovaha žychara, jaki nios 700 pačkaŭ cyharet biełaruskaj vytvorčaści. Suprać jaho skłali administracyjny pratakoł, jamu pahražaje štraf ad 5200 da 6000 jeŭra.
Čytajcie taksama:
Na litoŭskaj miažy zafiksavali novy rekord cyharetnaj kantrabandy ź Biełarusi
Łatvijskija pamiežniki vyłavili ŭ Dźvinie kantrabandnyja biełaruskija cyharety. 150 tysiač štuk