BIEŁ Ł RUS

Krejh Vudkraft bolš nie budzie treniravać chakiejnaje «Dynama». Jahonaja karjera ŭ Minsku skončyłasia parazaj jahonaj kamandy ŭ hulni z Łukašenkam

10.04.2023 / 9:41

Nashaniva.com

Kantrakt z kanadskim śpiecyjalistam zakančvajecca 30 krasavika. I, jak paviedamlaje pres-słužba minskaha «Dynama», jon bolš nie budzie hałoŭnym trenieram kamandy.

 Fota: hcdinamo.by

Siezon 2022/23 dla Vudkrafta staŭ čaćviortym zapar i piatym u cełym jak hałoŭnaha treniera «zubroŭ». Usiaho kanadziec pravioŭ la rula kamandy 303 matčy, što źjaŭlajecca rekordam kłuba.

Za čas jaho pracy «Dynama» čatyry razy vychodziła ŭ płej-of, pryčym trojčy zapar, ale kožny raz spyniałasia na pieršym raŭndzie.

24 sakavika, užo paśla vyletu z płej-of KCHŁ, «Dynama» praviało sparynh z kamandaj Łukašenki i prajhrała ź likam 13:15. Paśla toj hulni palityk parazmaŭlaŭ z trenieram i raskrytykavaŭ jaho pracu.

«Kali b u Amierycy i Kanadzie stolki kiraŭniki rabili dla chakieja, kolki ŭ nas, jany b u kosmasie byli. A vy tut cialopajeciesia tudy-siudy ŭ hetym płej-of. Čakajem u nastupnym hodzie ad vas sapraŭdnaj hulni», — skazaŭ tady Łukašenka, ale ŭ nastupnym hodzie «Dynama» budzie kiravać inšy śpiecyjalist.

Taksama Vudkraft źjaŭlajecca hałoŭnym trenieram zbornaj Biełarusi pa chakiei. Jon zapomniŭsia ŭdziełam u «pakajalnym» videa, kali kamanda pravaliła adbor na Alimpijadu.

Čytajcie taksama:

Sankcyi, što nie pracujuć. Jak paskoryłasia dehradacyja biełaruskaha sportu paśla pačatku vajny

Vudkraft uznačaliŭ chakiejnaje «Dynama», Michaił Hraboŭski — asistent

Čytajcie taksama:

Kamientary da artykuła