Pamior Leanid Dudarenka
Va ŭzroście 92 hadoŭ pajšoŭ z žyćcia biełaruski žyvapisiec, zasłužany dziejač mastactvaŭ Biełarusi Leanid Dudarenka. Pra heta paviedamili 6 krasavika ŭ pres-słužbie Ministerstva kultury.
Leanid Dudarenka naradziŭsia 25 kastryčnika 1930 hoda ŭ Maładziečnie. U 1956 hodzie skončyŭ Minskaje mastackaje vučylišča, u 1963 hodzie — Biełaruski dziaržaŭny teatralna-mastacki instytut.
Mastak byŭ łaŭreatam śpiecpremii dziejačam kultury i mastactva, uznaharodžany miedalom Francyska Skaryny, ordenam Kiryły Turaŭskaha 1-j stupieni Biełaruskaj pravasłaŭnaj carkvy.
«Zimovy piejzaž». Adna z karcin Leanida Dudarenki
Jahonyja pracy zachoŭvajucca ŭ muziejach Biełarusi, Rasii, Litvy, Hiermanii, Bałharyi, Italii, u pryvatnych zborach Vialikabrytanii, Italii, ZŠA, Hiermanii, Izraila, Litvy, Łatvii, Rasii, Biełarusi.