U Minsku pačali rekanstrukcyju płanietaryja
Rekanstrukcyju Minskaha płanietaryja pačali ŭ parku imia M. Horkaha, pišuć «Minsk-Naviny».
Dyrektar Minskaha dziaržaŭnaha Pałaca dziaciej i moładzi Nadzieja Vialikaja raspaviała, što raboty ŭžo raspačali.
— Praviedzienaje abśledavańnie nie tolki budynka płanietaryja, ale i absiervatoryi. Budaŭničyja pracy startujuć z abnaŭleńnia dachu ŭsiaho abjekta, — skazała čynoŭnica.
Jana dadała, što płanietaryj — unikalny dla krainy abjekt. Tut stvarajuć filmy pra kosmas, pravodziać dośledy, navukova-daśledčuju rabotu ŭ absiervatoryi. Dziejnaść viadziecca razam z vučonymi NAN. «U płanietaryi ŭnikalnyja piedahohi, jakija zajmajucca ź dziećmi pa prahramach pavyšanaha ŭzroŭniu», — raskazała jana.