Ministr Kubrakoŭ raskazaŭ, čym zajmajucca za miažoj biełarusy, jakija chočuć viarnucca
Kiraŭnik ministerstva ŭnutranych spraŭ u efiry ANT zajaviŭ, što admysłovaja «kamisija pa viartańni» ŭžo razhladaje zajaŭki ad biełarusaŭ.
«Mnohija, chto pasprabavaŭ taho žyćcia i paprybiraŭ, darujcie mnie za vyraz, kłubnicy na polskich płantacyjach — heta ŭ najlepšym vypadku, bo jany vykonvajuć roznuju pracu, chtości padmiataje vulicy, dvary i hetak dalej — užo hatovyja viarnucca ŭ Biełaruś», — skazaŭ ministr.
Kubrakoŭ dadaŭ, što dla ŭdakładnieńnia pytańniaŭ jość mahčymaść ananimnych zvarotaŭ.
Nahadajem, što na pačatku lutaha ŭkazam Łukašenki była stvoranaja kamisija dla achvotnych viarnucca na radzimu. Praŭładnyja ŚMI padavali heta jak krok nasustrač tym, chto źjechaŭ pa palityčnych matyvach. Ale rašeńni kamisii nie dajuć nijakaha imunitetu, bo jana nie maje nijakaha jurydyčnaha statusu.