Tramp abiacaje mir va Ukrainie za adzin dzień
Były prezident ZŠA zajaviŭ, što ŭ vypadku pieraabrańnia zmoža vyrašyć kanflikt va Ukrainie na praciahu sutak.
«Było lohka ŭrehulavać kanflikt. Ja moh by zrabić heta na praciahu 24 hadzin», — skazaŭ Tramp. Pry hetym jon adznačyŭ, što treba być prezidentam, kab zrabić heta — «vam patrebny ofis i paŭnamoctvy».
Jakija dziejańni jon źbirajecca raspačać u vypadku pieraabrańnia, Tramp kazać admoviŭsia. Jon rastłumačyŭ, što abnarodavańnie płana pazbavić jaho mahčymaści realizavać zadumanaje.
Raniej padobnaje zajaŭlaŭ Alaksandr Łukašenka.
«Kali jeŭrapiejcy ščyra hetaha žadajuć, miru možna dasiahnuć na praciahu niekalkich dzion», — zajaŭlaŭ jon. Ale dziela hetaha, pa jaho zajavach, Ukraina pavinna pryniać umovy Kramla.