31 kastryčnika — śviata paezii na radzimie Sysa
31 kastryčnika ŭ vioscy Haroškaŭ, što nad Dniaprom kala Rečycy, adbudziecca tradycyjnaje śviata paezii ŭ honar Anatola Sysa.
Biaruć udzieł rodnyja i ziemlaki Anatola, jahonyja siabry, a taksama paety, bardy i mastaki. U tym liku: Hienadź Buraŭkin, Uładzimir Niaklajeŭ, Uładzimir Arłoŭ, Eduard Akulin, Aleś Kamocki, Mira Łukša, Kasia Kamockaja, Aleś Bialacki — usiaho 50 paetaŭ.
Pačatak a 12‑j hadzinie na Haroškaŭskich mohiłkach, kala pomnika paetu.
U 12.30 — uračystaje adkryćcio miemaryjalnaj doški na chacie paeta. A 13‑j pačnucca paetyčnyja čytańni i bardaŭski kancert na padvorku. Padčas śviata adbudziecca prezientacyja knihi pryśviačeńniaŭ Anatolu Sysu «Jahamość» i vybranaha tomika paezii «Ałaiza», a taksama numara časopisa «Dziejasłoŭ», pryśviečanaha jubileju paeta. Daviedki praz t.: (025) 60‑60‑891 (u Minsku) i (033) 672‑24‑60 (u Rečycy).
Ź Minska jedzie mikraaŭtobus. Ličba volnych miescaŭ u im abmiežavanaja.
Svaim chodam u Haroškaŭ možna dabracca praz Rečycu. Ad hetaha horada da vioski Haroškaŭ 8 km.