U minskich klinikach skončyłasia francuzskaja vakcyna
Pryvatnyja kliniki, jakija karystalisia tolki francuzskaj vakcynaj «Vaksihryp», pakul nie akazvajuć pasłuhi pa vakcynacyi.
U miedycynskim centry «Łode» paviedamili, što ŭźnikli prablemy z pastaŭščykom, ale napačatku nastupnaha tydnia čakajecca adnaŭleńnie hetaj pasłuhi. Vakcynacyju spynili ŭ šerahu inšych pryvatnych klinik, u tym liku ŭ centry «Nordin». Tam źjaŭleńnie vakcyny čakajecca ŭžo ŭ kancy siońniašniaha dnia. Jak akazałasia, kliniki nie raźličyli kolkaść vakcyny na kolkaść žadajučych zrabić pryščepku ad chvaroby.
U haradskich klinikach vakcynacyja pravodzicca z dapamohaj rasiejskaj (32 tys. rubloŭ) i niderładskaj (36 tys. rubloŭ) vakcyny.