Dyrektarku ŽEU pakarali aryštam za śmierć kacianiaci
Sud kvalifikavaŭ jaje dziejańni jak žorstkaje abychodžańnie z žyviołami.
Sud Leninskaha rajona Mienska pakaraŭ aryštam na dvoje sutak dyrektarku Žyllova‑ekspłuatacyjnaha ŭpraŭleńnia № 82 (ŽEU‑82) Alenu Machnickuju.
Sioleta 5 žniŭnia ŭ sutareńni doma № 12, što na vulicy Rakasoŭskaha, byli zamuravanyja koški razam z kacianiatami. Adno kaciania ŭ vyniku zahinuła.
Praź dzień abaroncy žyviołaŭ źviarnulisia ŭ milicyju z prośbaj raspačać administracyjnuju spravu pavodle artykułu 15.45 (žorstkaje abychodžańnie z žyviołami) suprać supracoŭnikaŭ ŽEU.
Spravu razhladali ŭ sudzie Leninskaha rajonu. Dyrektarka ŽEU Alena Machnickaja apraŭdvała svaje dziejańni, spasyłajučysia na «Praviły i normy ŭtrymańnia žyłych pamiaškańniaŭ».
Ale sud kvalifikavaŭ jaje dziejańni jak žorstkaje abychodžańnie z žyviołami i pakaraŭ jaje na dvoje sutak aryštu.