Zahinuŭ padčas narychtoŭki drovaŭ
U Bresckim rajonie pry narychtoŭcy droŭ śmiarotna traŭmavany bienzapiłoj 62‑hadovy miascovy žychar.
Jak paviedamili ŭ prakuratury rajona, trahiedyja adbyłasia ŭ vioscy Cierabuń 26 kastryčnika. Niepadalok ad svajho doma 62‑hadovy mužčyna i jaho 31‑hadovy syn raśpiłoŭvali draŭninu bienzapiłoj «Štyl». Baćka prytrymlivaŭ stvoł dreva, jakoje raśpiłoŭvaŭ jaho syn.
Maładomu čałavieku nie ŭdałosia da kanca raśpiłavać dreva źvierchu, i jon vyrašyŭ heta zrabić źnizu, adnak nie ŭtrymaŭ piłu i jana traŭmavała baćku.
Miedyki, što prybyli na miesca zdareńnia, nie zmahli vyratavać paciarpiełaha. U zahinułaha była rezanaja skalpavanaja rana vonkavaj bakavoj pavierchni šyi z paškodžańniem sasudaŭ šyi. Śmierć 62‑hadovaha mužčyny nastupiła ad masiŭnaj vonkavaj straty kryvi.
Pravierku pa hetym fakcie pravodzić prakuratura Bresckaha rajona.