Źjezd BCHD: u pałacy, a nie na vulicy
27 kastryčnika zasnavalnikam partyi patelefanavali ź Minharvykankamu i prapanavali Pałac kultury MTZ.
Napiaredadni źjezdu BCHD atrymała 11 admovaŭ ad ułaśnikaŭ roznych pamiaškańniaŭ.
Urešcie 26 kastryčnika siabry partyi źviarnulisia da Łukašenki z prośbaj pradstavić im pamiaškańnie rezidencyi prezidenta. «Kažuć, tam miesca chapaje. Znoŭ ža, pobač z płoščaj. Tym bolš, my, jak maładyja i pierśpiektyŭnyja palityki, paśla pieramohi ŭsio roŭna źbirajemsia tudy pierajazdžać. Ź nieciarpieńniem čakajem Vašaha adkazu», — pišacca ŭ zajavie.
U vyniku, kaža Pavał Sieviaryniec, «27 kastryčnika patelefanavali ź Minharvykankamu i prapanavali Pałac kultury MTZ. Samaje cikavaje, što na samim Traktarnym zavodzie ničoha pra heta spačatku nie viedali».
U lubym vypadku, ciapier jość peŭnaść. Schod raspačniecca 31 kastryčnika ŭ pałacy MTZ a 10‑j.