SK raspavioŭ padrabiaznaści žudasnaha DTZ, u jakim troje dziaŭčat zhareli zažyva
Nočču 29 listapada lehkavik Audi na vysokaj chutkaści vylecieŭ u kiuviet i zahareŭsia paśla sutyknieńnia z drevam.
Na miescy zahinuła kiroŭca i dźvie pasažyrki: 19 i 24 hadoŭ. Jašče adnoj maładoj dziaŭčynie vyratavała žyćcio toje, što jaje vykinuła z aŭtamabila.
Jak paśla vyśvietliłasia, dziaŭčaty pierad trahičnaj pajezdkaj vypivali i paśla vyrašyli pajechać na AZS za ałkaholem. Ich musiŭ advieźci ćviarozy znajomy, ale dziaŭčaty jaho nie dačakalisia.
U 2:42 u Čavuski adździeł MNS pastupiŭ zvanok: dziaŭčyna ŭ šoku tłumačyła, što aŭtamabil, u jakim jana znachodzicca razam ź siabroŭkami, haryć i jany nie mohuć ź jaho vybracca, tamu što ŭsie dźviery zabłakavanyja. Adnak padrabiazna raskazać, dzie znachodzicca miesca avaryi, pasažyrka nie zmahła.
Paźniej ekśpiertyza ŭ kryvi zahinułaj kiroŭcy vyjaviła 2,5 pramile ałkaholu. Pierad DTZ mašyna ruchałasia z chutkaściu 120 km/h.