Rasijanie abstralali Bachmut padčas «kaladnaha pieramirja»: 2 čałavieki zahinuli, 13 paranienych
Udakładniajecca, što ŭ vyniku mahutnych minamiotnych atak pa žyłych kvartałach zahinuli 66-hadovy mužčyna i 61-hadovaja žančyna, paviedamlaje «Ukrainskaja praŭda» sa spasyłkaj na ofis hienieralnaha prakurora Ukrainy.
Jašče trynaccać čałaviek atrymali minna-vybuchovyja traŭmy i askiepkavyja ranieńni.
Byli častkova paškodžanyja i razburanyja pryvatnyja damy, šmatkvaternyja damy i inšyja abjekty.
6 studzienia paśla 12:00 pavietranaja tryvoha pa ŭsioj Ukrainie praciahvałasia 2 hadziny. Była pahroza ad źniščalnikaŭ.
Akramia taho, rasijanie druhi dzień zapar abstrelvajuć pažarnyja čaści ŭ Chiersonie. Jość zahinułyja i paranienyja.
U toj ža čas Ministerstva abarony RF zajaviła, što z 12:00 piatnicy ŭviało časovy režym spynieńnia ahniu va Ukrainie, jak zahadaŭ Pucin.