Pažar u internacie ŭ Połackim rajonie — ratavalniki evakujavali 20 čałaviek
25 śniežnia ŭ 5:26 ratavalnikam paviedamili pra pažar u žyłym pakoi internata AAT «Połacki ahraservis» pa vulicy Centralnaj u vioscy Bahatyrskaja Połackaha rajona.
Uzharańnie adbyłosia na pieršym paviersie budynka ŭ adnym z pakojaŭ. U hety momant unutry znachodziŭsia 46-hadovy mužčyna, jaki arandavaŭ pamiaškańnie. Jašče da pryjezdu ratavalnikaŭ jon zmoh vybracca z pakoja samastojna. Krychu paźniej jaho ahledzieli miedyki i špitalizavali ŭ balnicu z atručvańniem praduktami hareńnia.
Ratavalniki evakujavali ź internata 20 čałaviek, u tym liku dvaich dziaciej. Na ščaście, nichto ź ich nie paciarpieŭ.
Pažar likvidavali, ale ŭ pakoi amal usio zhareła. Najbolš imaviernaja pryčyna pažaru — nieaściarožnaje abychodžańnie z ahniom pry paleńni.