Vyjšła na volu palitźniavolenaja Viktoryja Mironcava
Viktoryja Mironcava całkam adbyła termin i siońnia vyjšła na volu z papraŭčaj kałonii № 4 u Homieli, piša «Viasna».
Viktoryja Mironcava vučyłasia ŭ himnazii-kaledžy mastactvaŭ imia Achremčyka. Za kratami jaje ŭtrymlivali bolš za dva hady. Jaje razam ź siastroj Anastasijaj zatrymali jašče ŭ kastryčniku 2020 hoda ŭ miežach kryminalnaj spravy pa č. 1 art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak). Paźniej ich abvinavacili jašče ŭ hvałcie ŭ dačynieńni da supracoŭnikaŭ MUS, a Viktoryju taksama abvinavacili ŭ supracivie supracoŭniku orhanaŭ unutranych spraŭ.
U Minsku 1 krasavika 2021 hoda Anastasiju asudzili da 2 hadoŭ kałonii, a Viktoryju — da 2,5 hoda. U červieni Anastasija vyjšła na volu.