U Viaśniancy da vychadnych padrychtujuć kiłamietrovuju łyžnuju trasu
U Viaśniancy da vychadnych padrychtujuć kiłamietrovuju łyžnuju trasu. Pra heta «Minsk-Navinam» paviedamiŭ načalnik Hałoŭnaha ŭpraŭleńnia sportu i turyzmu Minharvykankama Maksim Varapaj.
Pavodle jaho słoŭ, u minułuju piatnicu, 18 listapada, na abjekcie pačali pracavać śniežnyja harmaty. U paniadziełak, 21 listapada, samazvały pačali razvozić śnieh pa budučym maršrucie. Kali zakalcujuć trasu, jaje budzie ŭtramboŭvać śpiectechnika.
— Da vychadnych padrychtujem dystancyju ŭ adzin kiłamietr, i ŭsie achvotnyja zmohuć pakatacca, — adznačyŭ M. Varapaj. — Dadam, što ŭ harnałyžnym centry «Soniečnaja dalina» idzie aśniežvańnie schiłu. Płanujecca, što da vychadnych tut taksama paśpiejuć naraścić śniežnuju padušku patrebnaj taŭščyni i adkryjuć schił dla katańnia.
Usiaho ŭ hetym siezonie ŭ Minsku chočuć abstalavać 14 łyžnych tras.