NASA ŭpieršyniu ŭ historyi stvaryła kamisiju dla vyvučeńnia paviedamleńniaŭ ab NŁA
Pieršaja ŭ svaim rodzie hrupa, arhanizavanaja NASA, pačała daśledavańnie taho, što ŭrad nazyvaje «nieviadomymi pavietranymi źjavami», jakija zvyčajna nazyvajuć NŁA. U joj pryniali ŭdzieł ekśpierty z roznych navukovych halin, ad fiziki da astrabijałohii, paviedamlaje Reuters.
Ilustracyjnaje fota
Kamisija z 16 čałaviek, sklikanaja biez asablivaj pompy, całkam zasiarodzić svajo rasśledavańnie na niezasakrečanych nazirańniach i inšych źviestkach, sabranych hramadzianskim uradam i kamiercyjnym siektaram.
Rasśledavańnie hrupy adasoblena ad niadaŭna farmalizavanaha rasśledavańnia Pientahonam nieapaznanych pavietranych źjaŭ, abo UAP, pra jakija paviedamili vajennyja lotčyki i praanalizavali pradstaŭniki Ministerstva abarony i raźviedki ZŠA.
Paralelnyja namahańni NASA i Pientahona padkreślivajuć pavarotny momant dla ŭrada ZŠA paśla taho, jak jany dziesiacihodździami adprečvali, abviarhali i dyskredytavali nazirańni nieviadomych latajučych abjektaŭ abo NŁA, pačynajučy z 1940-ch hadoŭ.