Avijakampanija FlyDubai znoŭ lotaje ŭ Biełaruś
Avijakampanija z Abjadnanych Arabskich Emirataŭ FlyDubai adnaviła pieraloty ŭ Minsk, paviedamlaje Respublikanski sajuz turystyčnych arhanizacyj. Rejsy byli admienienyja ŭ lutym, paśla pačatku vajny va Ukrainie.
Zdymak ilustracyjny. Fota: AP Photo/Malak Harb, File
Pieršy adnoŭleny rejs arabskaj łoŭkost-avijakampanii FlyDubai adbyŭsia ŭčora, 22 kastryčnika. Da 31 maja 2023 hoda paloty buduć štodzionnymi.
Pa infarmacyi anłajn-tabło na sajcie Nacyjanalnaha aeraporta, samaloty ź Minska ŭ Dubaj adpraŭlajucca ŭ 00.20. U Biełaruś z AAE jany prybyvajuć u 23.20.
Pa infarmacyi sajta flydubai.com, u 11.00 23 kastryčnika kvitok z Dubaja da Minska na paniadziełak, 24 kastryčnika, budzie kaštavać prykładna ad 453 dalaraŭ, abo ad 1136 biełaruskich rubloŭ. Čas u palocie zajmaje 6 hadzin 35 chvilin.