Nacbank uvodzić u abaračeńnie maniety «Bieły busieł»
Nacyjanalny bank Respubliki Biełaruś 29 vieraśnia 2009 h. uvodzić u abaračeńnie pamiatnyja maniety «Bieły busieł. Žyviolny śviet krain JeŭrAzES»:
srebnuju — naminałam 20 rubloŭ, probaj spłavu 925, masaj 33,63 h, dyjamietram 38,61 mm;
miedna‑nikielevuju — naminałam 1 rubiel, masaj 14,35 h, dyjamietram 33,00 mm.
Maniety majuć formu kruha, ź piaredniaha i advarotnaha bakoŭ — vystupajučy kant pa akružnasci. Na bakavoj pavierchni maniet nadpis: ŽYVIOLNY ŚVIET KRAIN JeŭrAzES.
Na piarednim baku maniet raźmieščany: uviersie — reljefnaja vyjava Dziaržaŭnaha hierba Respubliki Biełaruś; u centry na fonie faktury travy — śled busła; źleva — znak Jeŭraazijackaj ekanamičnaj supolnasci i nadpis: JeŭrAzES; pa kruzie nadpisy: u vierchniaj častcy — RESPUBŁIKA BIEŁARUŚ, u nižniaj — proba spłavu (na srebnych), naminał 100 RUBLOŬ i 20 RUBLOŬ (na srebnych) i 1 RUBIEL (na miedna‑nikielevaj), a taksama hod čakanki.
Na advarotnym boku maniet raźmieščany: u centry — vyjava biełaha busła; źleva — adlustravańnie hniazda, zvitaha na stvałach dreŭ, z dvuma ptuškami; uviersie nadpis: BIEŁY BUSIEŁ.
Maniety adčakanieny na RDP «Kazachstanski manietny dvor Nacyjanalnaha banka Respubliki Kazachstan»: srebnaja naminałam 100 rubloŭ i miedna‑nikielevaja — jakaściu «pruf‑łajk», srebnaja naminałam 20 rubloŭ — jakaściu «pruf». Tyraž srebnaj maniety naminałam 100 rubloŭ — 500 štuk, srebnaj naminałam 20 rubloŭ — 7000 štuk i miedna‑nikielevaj — 5000 štuk.
Pamiatnyja maniety, što ŭvodziacca ŭ abaračeńnie, źjaŭlajucca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.