U Rasii paabiacali, što nie buduć mabilizoŭvać prahramistaŭ i bankaŭskich rabotnikaŭ
Minabarony Rasii paviedamiła, kaho nie budzie zaklikać na słužbu pa mabilizacyi.
Ad jaje vyzvalać:
- śpiecyjalistaŭ u halinie infarmacyjnych technałohij, «zadziejničanych u raspracoŭcy, raźvićci, ukaranieńni, supravadžeńni i ekspłuatacyi rašeńniaŭ u halinie infarmacyjnych technałohij i zabieśpiačeńni funkcyjanavańnia infarmacyjnaj infrastruktury»;
- supracoŭnikaŭ rasijskich apierataraŭ suviazi;
- rabotnikaŭ «sistemaŭtvaralnych arhanizacyj u śfiery infarmacyi i suviazi»;
- tych, chto pracuje ŭ arhanizacyjach, «jakija zabiaśpiečvajuć stabilnaść nacyjanalnaj płaciežnaj sistemy i infrastruktury finansavaha rynku, kiravańnie bankaŭskaj likvidnaściu, najaŭnaje hrašovaje abaračeńnie».
Raniej vice-premjer i kiraŭnik aparata ŭrada Rasii Dźmitryj Hryharenka nakiravaŭ list ministru abarony Siarhieju Šajhu z prapanovami pa pradastaŭleńni adterminovak dla asob, jakija pracujuć u vysokatechnałahičnych halinach i siektarach, jakija zabiaśpiečvajuć funkcyjanavańnie finansavaj sistemy.