«Pratestujcie. Zmahajciesia. Uciakajcie. Abo zdavajciesia va ŭkrainski pałon». Zialenski vykazaŭsia ab mabilizacyi ŭ Rasii
Prezident Ukrainy Uładzimir Zialenski ŭ tradycyjnym viačernim zvarocie častku svajho vystupu pryśviaciŭ abvieščanaj u Rasii mabilizacyi. U hety momant jon pierajšoŭ na ruskuju movu.
«Rasijskaje rašeńnie ab mabilizacyi — adkrytaje pryznańnie, što ich kadravaja armija, jakuju dziesiacihodździami rychtavali da zachopu čužoha, nie vytrymała i pasypałasia. I ciapier z-za mabilizacyi vajna Rasii suprać Ukrainy dla bolšaści hramadzian Rasii — heta nie niešta tam na TB ci ŭ internecie, a toje, što zajšło ŭ kožny rasijski dom.
55 tysiač rasijskich sałdat zahinuli na hetaj vajnie za paŭhoda. Dziasiatki tysiač paranienyja, skalečanyja. Chočacie bolš? Nie? Tady pratestujcie. Zmahajciesia. Uciakajcie. Abo zdavajciesia va ŭkrainski pałon. Heta — varyjanty dla vas, kab vyžyć».