«Našy chłopcy hinuć za iluzornyja mety». Ała Puhačova paprasiła zaličyć jaje ŭ inšaahienty
Rasijskaja śpiavačka Ała Puhačova paprasiła dadać jaje ŭ śpis inšaahientaŭ. «Bo ja salidarnaja sa svaim mužam, sumlennym, prystojnym i ščyrym čałaviekam», — napisała Puhačova ŭ instahramie.
«Prašu zaličyć mianie ŭ šerahi inšaahientaŭ majoj lubimaj krainy». Taki zapis zrabiła ŭ siabie ŭ instahramie kultavaja dla rasijan śpiavačka.
Heta reakcyja na pryznańnie inšaahientam jaje muža, satyryka Maksima Hałkina, paśla taho, jak jon asudziŭ vajnu va Ukrainie i vyśmiejaŭ rasijskuju prapahandu ŭ svaich vystupach.
Puhačova ŭ svaim zapisie pajšła dalej za svaje raniejšyja vykazvańni. Jana napisała, što salidarnaja sa svaim mužam, jaki: «Žadaje Radzimie kvitnieńnia, mirnaha žyćcia, svabody słova i spynieńnia hibieli našych chłopcaŭ za iluzornyja mety, jakija robiać našu krainu izhojem i abciažarvajuć žyćcio našych hramadzian».
U sakaviku Puhačova z Hałkinym vyjechali ŭ Izrail. U žniŭni śpiavačka viarnułasia ŭ Rasiju.
Ała Puhačova. Fota Ilja Pitaleŭ / «RIA Novosti»
«Syšła epocha, u jakoj my zdabyli svabodu, pierastali być «impieryjaj zła» dla ŭsiaho śvietu i źnik strach za budučyniu svaich dziaciej», — napisała Ała Puhačova ŭ instahramie z nahody śmierci Michaiła Harbačova.
«Kudyści prapała čałaviekalubstva i vysakarodnaść. Prapała ŭmieńnie iści na kampramis. Kali hety kampramis u intaresach naroda, jaki maryć žyć biez tryvohi za budučyniu svaich dziaciej, davajcie šukać razam. Spadziavajusia, jašče nie pozna», — pisała jana.