U Viciebsku pabudavany pieršy za 124 hady kaścioł
10 kastryčnika a 11‑j hadzinie ŭ miežach śviatkavańnia dziesiacihodździa isnavańnia Viciebskaj dyjacezii adbudziecca kansekracyja kaścioła Jezusa Miłasernaha ŭ Viciebsku.
Heta śviatynia — pieršaja, z pabudavanych u abłasnym centry za 124 hady. Da hetaha ŭ Viciebsku była pierabudavana i kansekravana katedra śviatoj Barbary ŭ 1885 h.
Cyrymoniju kansekracyi novaj katalickaj śviatyni ŭznačalić Apostalski Nuncyj u Biełarusi Jaho Ekscelencyja arcybiskup Marcin Vidavič. Hamiliju padčas uračystaj śviatoj Imšy pramović staršynia Kanfierencyi Katalickich Biskupaŭ u Biełarusi biskup Alaksandr Kaškievič.
Napiaredadni, 9 kastryčnika, adbudziecca navukovy simpozium na temu Božaj miłasernaści, u jakim prymuć udzieł usie navučency abiedźviuch sieminaryj, što dziejničajuć u Biełarusi.