Apple pradstaviła novy iPhone 14 i inšyja navinki
Madelny šerah iPhone papoŭniŭsia iPhone 14 (dysplej 6,1 dziujma) i iPhone 14 Plus (z dysplejem 6,7 dziujma). Kaštavać jany buduć ad 799 i 899 dalaraŭ adpaviedna.
Abiedźvie madeli atrymali pracesar A15, jaki byŭ u iPhone 13 Pro. Jany taksama buduć ukamplektavanyja 12-miehapiksielnaj asnoŭnaj kamieraj, jakaja, pavodle zajavie Apple, na 49% lepš budzie łavić śviatło pry nizkim aśviatleńni.
Akramia taho, byli pradstaŭlenyja inšyja navinki:
- IPhone 14 Pro (999 dalaraŭ) i 14 Pro Max (1099 dalaraŭ) z kamieraj 48 miehapiksielaŭ, pradstaŭleny ŭ 4 kolerach i z novaj «hryŭkaj»;
- Airpods Pro 2 z novymi dynamikami, čypam H2 i palepšanym šumapryhłušeńniem. Dastupny z 23 vieraśnia za 249 dalaraŭ;
- Apple Watch Ultra — navinka z tytana. Dastupny z 23 vieraśnia pa canie ad 799 dalaraŭ;
- Apple Watch SE2. Dastupny z 16 vieraśnia, ad 249 dalaraŭ;
- Apple Watch Series 8 z tempieraturnymi datčykami (249 dalaraŭ) i mahčymaściu adsočvać mienstrualny cykł u žančyn. U prodažy z 16 vieraśnia, ad 399 dalaraŭ.