Na miescy razburanych mahił polskich sałdat u Voranaŭskim rajonie pastavili biarozavyja kryžy
Fota: glosznadniemna.pl
Nieviadomyja ŭšanavali razburanyja na minułym tydni mahiły zahinułych sałdat Armii Krajovaj u vioscy Surkanty Voranaŭskaha rajona tradycyjnymi dla časoŭ vajny nadmahillami — biarozavymi kryžami, a taksama polskaj simvolikaj. Heta ŭžo šostaje viadomaje razbureńnie polskich vajskovych mohiłak i pomnikaŭ u Biełarusi i samaje maštabnaje.
Jak paviedamlaje Glosznadniemna.pl, zamiest źniesienych na zahad uładaŭ Biełarusi kamiennych kryžoŭ na ŭzaranaj terytoryi vajskovych mohiłak na miescach mierkavanych mahił pastavili biarozavyja kryžy, zroblenyja pa-sałdacku, a taksama śviečki i bieła-čyrvonyja stužki.
Fota: glosznadniemna.pl