Centr Daniecka trapiŭ pad abstreł. Udar sarvaŭ pachavańnie kamandzira dyvizijona sieparatystaŭ Volhi Kačury
Snarady trapili ŭ hatel «Danbas Pałas». Jašče adzin snarad upaŭ pobač z dramteatram, dzie pavinna było adbycca raźvitańnie z Volhaj Kačuraj, pałkoŭnikam milicyi samaabvieščanaj «Danieckaj narodnaj respubliki». Na momant abstrełu cyrymonija jašče nie pačałasia, ludziej evakujavali ŭ padvały.
Kačura zahinuła napiaredadni. Pucin prysvoiŭ joj zvańnie Hieroja Rasii paśmiarotna «za mužnaść i hieraizm, prajaŭlenyja pry vykanańni voinskaha doŭhu». Joj taksama prysvoili zvańnie hieroja «DNR.» Va Ukrainie Kačuru zavočna asudzili da 12 hadoŭ pazbaŭleńnia voli z kanfiskacyjaj majomaści pa abvinavačvańni va ŭdziele ŭ terarystyčnaj arhanizacyi.