U Vińnickaj vobłaści śviatary dźviuch pravasłaŭnych cerkvaŭ pabilisia na pachavańni zahinułaha vajskoŭca
Incydent adbyŭsia 22 lipienia ŭ vioscy Jałaniec Tamašpalskaj hramady, dzie raźvitvalisia z bajcom Alaksandram Zinivym, jaki słužyŭ radyjotelefanistam samachodna-artyleryjskaj batarei i zahinuŭ pad Mikałajevam.
Na raźvitańni byli pradstaŭniki jak atrymaŭšaj tomas ad Kanstancinopalskaha patryjarchata Pravasłaŭnaj carkvy Ukrainy, tak i Ukrainskaj pravasłaŭnaj carkvy Maskoŭskaha patryjarchatu.
Śviatar Tamašpalskaj relihijnaj abščyny PCU protaijereja Michajła Vasiluk u svaim vystupie siarod inšaha zhadaŭ, što Pucin raźviazaŭ vajnu va Ukrainie, u pryvatnaści, pad zaklikam abarony viernikaŭ Maskoŭskaha patryjarchatu i zaklikaŭ prychadžan admovicca ad kanfiesii, jakaja maje suviazi z Maskvoj. Jahony apanient z UPC MP nie vytrymaŭ i kinuŭsia ŭ bojku.
Abodvuch śviataroŭ raźviali ludzi, prysutnyja na pachavańni. Čuvać, jak jany prosiać stavicca z pavahaj da pamiaci niabožčyka.