Śviatłana Cichanoŭskaja zaprasiła ŭsich achvotnych na Kanfierencyju Novaj Biełarusi
«Vy kazali «źbiaryciesia razam i dajcie hołas usim» — i my razam z partniorami, Kaardynacyjnaj Radaj, BYPOL, NAU, palitykami, hramadzianskimi inicyjatyvami, biznesami, analitykami i niezaležnymi ekśpiertami źbiaremsia razam na Kanfierencyju Novaj Biełarusi», — havorycca ŭ paviedamleńni demakratyčnaj lidarki Biełarusi.
Kanfierencyja projdzie 8—9 žniŭnia ŭ Vilni.
Forma rehistracyi na Kanfierencyju adkrytaja, i ŭ dadatak da hetaha Cichanoŭskaja asabista zaprasiła pradstaŭnikoŭ absalutna roznych siłaŭ i mierkavańniaŭ. Buduć abmierkavańni na nastupnyja temy:
- Jakimi pavinny być stratehičnyja pryjarytety pracy zaraz?
- Jakim budzie tranzitny pieryjad i chto pavinien adkazvać za jaho?
- Jak stvaryć umovy dla hodnaha žyćcia i vyratavać krainu ad ekanamičnaha kryzisu?
- Jak rearhanizavać demakratyčnyja siły pad zadačy, jakija my vyłučym razam?
Hałoŭnym vynikam dvuch dzion pracy pavinna stać toje, što ŭdzielniki razam damoviacca, što rabić dalej — i buduć pracavać adzinym frontam.
«Što važna — źbiarucca nie tolki palityki — ale i žurnalisty, pradprymalniki, aktyvisty i analityki, pradstaŭniki NDA, lekary, artysty, nastaŭniki i spartoŭcy. My damo placoŭku dla abmierkavańnia pytańniaŭ miedyja, biźniesu i hramadzianskaj supolnaści. A hałoŭnaje — usio heta budzie dastupna ŭ anłajn-tranślacyi. My budziem čytać vašyja kamientary i adkazvać na vašyja pytańni. My budziem pobač i razam».
- Zadać pytańni pa Kanfierencyi možna pa spasyłcy.
- Prahrama Kanfierencyi — pa spasyłcy.
- Forma dla rehistracyi — pa spasyłcy.