Kolišni pałac Radziviłaŭ u Dziatłavie znoŭ vystavili na aŭkcyjon
Dahetul było niekalki sprobaŭ znajści invierstara. Papiaredni aŭkcyjon sprabavali pravieści ŭ vieraśni 2021 hoda i pradać pałac za 145 tysiač rubloŭ. Ale achvotnych nie znajšłosia. Novy pryznačyli na 11 žniŭnia, a zajaŭki treba padavać da 5 žniŭnia, infarmuje Dziaržaŭny kamitet pa majomaści Respubliki Biełaruś.
Fota: belarus-travel.livejournal.com
Pačatkovaja cana budynka 30 963 rubli.
Z pałacam u 1500 kvadratnych mietraŭ zdajecca ŭ arendu na 50 hadoŭ i ziamielny ŭčastak pry im płoščaj 0,4 ha. Vykarystoŭvać jaho možna budzie abmiežavana, bo pobač vodaachoŭnaja zona i prybiarežnaja pałasa. Karystańnie nieabchodna budzie raspačać nie paźniej, čym praz try hady ad kupli.
Budynak adnosicca da siaredziny ChVIII stahodździa, heta najbolš kaštoŭny pomnik architektury ŭ horadzie. Pierad tym, jak pryniali rašeńnie vystavić jaho na prodaž, pałac naležaŭ rajonnamu špitalu.
Pradać były pałac Radziviłaŭ ułady ŭ Dziatłavie sprabujuć z 2015 hoda, adnak pakul pakupnik nie znachodzicca.