«Biełavija» adnaviła pramyja rejsy ŭ maskoŭskaje Unukava
Z 15 lipienia «Biełavija» adnaviła pramyja rejsy ŭ mižnarodny aeraport «Unukava» ŭ Maskvie. Pra heta paviedamili ŭ telehram-kanale avijakampanii.
Fota ilustracyjnaje
Rejsy buduć vykonvacca try razy na tydzień — pa sieradach, piatnicach i niadzielach.
«Unukava» — treci maskoŭski aeraport, kudy «Biełavija» vykonvaje pramyja rejsy. Taksama jana lotaje ŭ «Damadziedava» i «Šaramiecieva».
Z 14 lipienia hramadzianam Biełarusi bolš nie treba pradjaŭlać pry pieralocie ŭ Rasiju PŁR-test.