Rasija zastałasia biez 5G, bo z-za sankcyj nie maje abstalavańnia
Sankcyi zakryli mahčymaść stvareńnia sietak 5G u Rasii na doŭhija hady. Da takoj vysnovy pryjšli analityki ŭ halinie mabilnych telekamunikacyj, piša «Dziełavy Pieciarburh». Pa ich słovach, prydatnaha abstalavańnia ŭ krainie prosta niama.
Paśla taho jak z-za vajny va Ukrainie Rasiju pakinuli viadučyja pastaŭščyki: Cisco, Nokia, Huawei i Ericsson — rasijskaje Ministerstva ličbavych technałohij abviaściła, što dazvolić zapusk 5G tolki pry vykarystańni ajčynnaha abstalavańnia. «Paralelny impart» tut niemahčymy.
U Rasii sproby stvareńnia ajčynnaha 5G-abstalavańnia raniej rabiła karparacyja «Rastech». Ale hodnaha praduktu zrabić čakana nie ŭdałosia, vykarystoŭvalisia zamiežnyja kamplektujučyja.
Tamu «Rastech» źmianiŭ darožnuju kartu — kampanija, tak i nie vypuściŭšy tołkam abstalavańnia piataha pakaleńnia, budzie zajmacca abstalavańniem 4G.