Jeŭrapiejskaja fiederacyja žurnalistaŭ zaklikaje Jeŭrasajuz uzmacnić cisk na režym Łukašenki
Jeŭrapiejskaja fiederacyja žurnalistaŭ adreahavała na novy prysud, vyniesieny žurnalistcy Kaciarynie Andrejevaj. Supolna ź Biełaruskaj asacyjacyjaj žurnalistaŭ arhanizacyi, jakija ŭvachodziać u JEFŽ, zaklikajuć Jeŭrasajuz uzmacnić cisk na biełaruskaje kiraŭnictva i sankcyi suprać režymu.
Kaciaryna Andrejeva
«Biełaruski dyktatar i jaho paplečniki zajšli tak daloka, što pryciahnuli da adkaznaści ŭžo niespraviadliva źniavolenuju žurnalistku pa novych sfabrykavanych abvinavačvańniach. Hety sudovy pieraśled i ŭzmacnieńnie represij u dačynieńni da žurnalistaŭ demanstruje sapraŭdnuju pryrodu dyktatarskaha režymu ŭ Biełarusi», — zajaviła prezident JEFŽ Maja Sievier.
13 lipienia Homielski abłasny sud prysudziŭ žurnalistcy Kaciarynie Andrejevaj 8 hadoŭ pazbaŭleńnia voli pa abvinavačańni ŭ zdradzie dziaržavie (art. 356 Kryminalnaha kodeksa).
Źniavolenaja jana była ź listapada 2020 hoda, kali žurnalistku schapili siłaviki padčas pramoj tranślacyi mirnaj akcyi pratestu na «płoščy Pieramienaŭ». Za strym Kaciarynu razam z Darjaj Čulcovaj asudzili na 2 hady źniavoleńnia nibyta za «arhanizacyju niezakonnaj akcyi pratestu».
Jeŭrapiejskaja fiederacyja žurnalistaŭ zaklikaje Jeŭrasajuz, Radu Jeŭropy i ABSIE ŭzmacnić dypłamatyčny cisk na biełaruskaje kiraŭnictva i ŭzmacnić sankcyi suprać biełaruskaha režymu.
Pavodle źviestak Biełaruskaj asacyjacyi žurnalistaŭ, ciapier u Biełarusi za kratami tolki za toje, što jany vykonvali svaju pracu, znachodzicca 31 žurnalist i pracaŭnik ŚMI.