Biełaruś pradała šakaładu i snekaŭ na 135 tysiač dalaraŭ na kitajskaj viersii TikTok
Siońnia na placoŭcy Douyin (kitajskaja viersija TikTok) adbyłosia adkryćcio Nacyjanalnaha elektronnaha paviljona Biełarusi.
Jak paviedamlaje pasolstva Biełarusi ŭ KNR, pasoł Juryj Siańko ŭziaŭ udzieł u cyrymonii adkryćcia i pravioŭ prezientacyju biełaruskaj pradukcyi.
«Usiaho za hadzinu anłajn-tranślacyi efir pasła pahladzieli bolš za 1,3 miljona čałaviek, a ahulnaja suma prodažaŭ biełaruskaha šakaładu i snekaŭ pieravysiła 900 tys. kitajskich juaniaŭ (135 tys. dalaraŭ ZŠA)», — raskazali ŭ pasolstvie.
U najbližejšy čas u paviljonie vystaviać małočnuju, kandytarskuju, ałkaholnuju pradukcyju i kaśmietyku ź Biełarusi.