Vandały znoŭ apahanili miemaryjał na miescy stalinskich rasstrełaŭ na Aršanščynie
Nieviadomyja vandały ŭ čarhovy raz sprabavali źniavažyć pamiać rasstralanych u tryccatyja hady na Kabylackaj hary žycharoŭ Aršanščyny. Na hety raz chtości nalapiŭ na miemaryjalnuju plitu stykiery ŭ vyhladzie «hieorhijeŭskich stužak» i vyviesiŭ płakat z rasijskim trykałoram i zorkaj, paviedamlaje Aršanski rehijanalny partał.
Heta nie pieršy vypadak vandalizmu na miescy, dzie ŭ časy stalinskich represij rasstrelvali ludziej. Pomnik znachodzicca ŭ lasnym masivie amal na tym samym miescy, dzie znajšli rasstrelnuju jamu.
Adznačajecca, što fotapastki, nakiravanyja ŭ bok pomnika, spracavali tolki adnojčy, kali demakratyčnyja aktyvisty pravodzili mierapryjemstva pa ŭšanavańni zahinułych.