Viarnuć kvitki na ciahnik možna až da momantu pasadki
Pasažyry biełaruskich ciahnikoŭ ciapier mohuć viarnuć kvitki, kuplenyja praź internet, až da momantu pasadki. Jak paviedamlaje pres-słužba Biełaruskaj čyhunki, novaŭviadzieńnie pačało dziejničać 27 červienia.
Havorka idzie pra kvitki na ciahniki z numaravanymi miescami, jakija chodziać unutry Biełarusi — mižrehijanalnyja linii dy rehijanalnyja linii biznes-kłasa.
Ciapier viarnuć kvitok možna praz aficyjny sajt pass.rw.by abo mabilnuju prahramu «BČ. Moj ciahnik», možna viarnuć u svaim asabistym kabiniecie až da času adpraŭleńnia ciahnika sa stancyi pasadki pasažyra.
Raniej takija kvitki možna było viarnuć tolki za adnu hadzinu da adpraŭleńnia ciahnika z pačatkovaj stancyi maršrutu. Kali pakupnik prymaŭ rašeńnie paźniej, jamu nieabchodna było źviartacca ŭ čyhunačnuju kasu.
Darečy, ciapier paradak viartańnia kvitkoŭ u kasach zastajecca raniejšym.