U Žytkavickim rajonie ŭtapilisia dzied z unukam
U Žytkavickim rajonie trahična zahinuli 56-hadovy mužčyna i jahony 15-hadovy ŭnuk. Cieła mužčyny znajšli ŭ starym rečyščy Prypiaci, a padletka vyjavili razam z patanułaj mašynaj na dnie raki, raskazali ŭ Homielskim Tavarystvie vyratavańnia na vodach.
Fota: Śledčy kamitet
Pavodle papiaredniaj infarmacyi, 20 červienia prykładna a piataj hadzinie ranicy dzied z unukam vypravilisia na raku na aŭtamabili. A ŭžo prykładna a siomaj hadzinie ranicy cieła mužčyny znajšli ŭ starym rečyščy Prypiaci kala vioski Pahost.
Na miesca prybyli vadałazy dla pošuku aŭtamabila i niepaŭnaletniaha. Chłopca znajšli praź niekalki hadzin — razam z patanułym aŭtamabilem na dnie raki na adlehłaści 40 mietraŭ ad urezu vady.
Pa infarmacyi Śledčaha kamiteta, aŭtamabil ź ludźmi sarvaŭsia sa stromkaha bieraha i źjechaŭ u raku.