Minabarony Rasii patłumačyła rakietny abstreł Kijeva
Ranicaj 5 červienia ŭ Kijevie prahrymieła niekalki vybuchaŭ. Rakietnyja ŭdary byli naniesienyja pa Darnickim i Dniaproŭskim rajonach ŭkrainskaj stalicy.
Na fota: pomnik kniaziu Uładzimiru
Siońnia aficyjny pradstaŭnik ministerstva abarony Rasii Ihar Kanašenkaŭ zajaviŭ, što cellu ŭdaru pa Kijevie była ŭkrainskaja braniatechnika, jakaja, pa jaho słovach, była raźmieščanaja «ŭ karpusach vahonaramontnaha pradpryjemstva» na ŭskrainie Kijeva.
«VKS Rasii vysokadakładnymi rakietami pavietranaha bazavańnia vialikaj dalokaści na ŭskrainie Kijeva źniščyła pastaŭlenyja ŭschodniejeŭrapiejskimi krainami tanki T-72 i inšuju bronietechniku», — zajaviŭ Kanašenkaŭ.