Prajekt rašeńnia ES vyvodzić z-pad embarha rasijskuju naftu, jakaja pastaŭlajecca praz trubapravod
Apošni prajekt rašeńnia samita ES, jaki pačynajecca ŭ paniadziełak, vyklučaje z-pad sankcyj pastaŭki rasijskaj nafty praz trubapravody. Pra heta paviedamlaje karespandent «Radyjo Svaboda» Rykard Juźviak, jaki aznajomiŭsia z prajektam pastanovy.
«Rada pryjšła da pahadnieńnia, što šosty pakiet sankcyj suprać Rasii budzie achoplivać syruju naftu, a taksama naftapradukty, jakija pastaŭlajucca z Rasii ŭ dziaržavy-siabry, z časovym vyklučeńniem dla syroj nafty, što pastaŭlajecca praz trubapravod», — havorycca ŭ tekście pastanovy, jakuju pavinny zaćvierdzić na samicie ŭsie dziaržavy ES.
U niadzielu krainy ES nie zmahli dasiahnuć pahadnieńnia pa pytańni embarha na rasijskuju naftu. Prapanova, jakaja abmiarkoŭvałasia ŭ niadzielu ŭviečary, praduhledžvała zabaronu pastavak rasijskaj nafty ŭ ES moram da kanca hoda, ale nie raspaŭsiudžvałasia na naftu, jakaja pastaŭlajecca praz rasijski naftapravod «Družba» ŭ Vienhryju, Słavakiju i Čechiju.
Prapanova taksama praduhledžvała, što krainy-siabry buduć pastupova spyniać impart nafty, jakaja pastaŭlajecca marskim šlacham — ciaham šaści miesiacaŭ i naftapraduktaŭ — ciaham vaśmi miesiacaŭ.