Rasija paniesła vializarnyja straty siarod aficeraŭ siaredniaha i małodšaha ranhu — raźviedka Brytanii
Straty siarod aficeraŭ siaredniaha i małodšaha źviana ŭ vajnie va Ukrainie pryviaduć da dalejšaha źnižeńnia bajavoha duchu i drennaj dyscypliny ŭ vojskach va Ukrainie. Pra heta havorycca ŭ ahladzie Minabarony Brytanii, piša «Jeŭrapiejskaja praŭda».
Raźviedka tłumačyć, što kamandziraŭ bryhad i bataljonaŭ nakiroŭvajuć na pieradavuju nasustrač niebiaśpiecy, bo jany niasuć bieskampramisnuju adkaznaść za dziejańni svaich padraździaleńniaŭ. Hetak ža małodšym aficeram davodziłasia kiravać taktyčnymi dziejańniami samaha nizkaha ŭzroŭniu, pakolki ŭ vojskach nie chapaje kadraŭ dobra navučanych i nadzielenych paŭnamoctvami vajennych siaržanckaha składu, jakija vykonvajuć hetuju rolu ŭ zachodnich vojskach.
Adznačajecca, što strata značnaj častki maładoha pakaleńnia prafiesijnych aficeraŭ, vierahodna, pahoršyć prablemy z madernizacyjaj padychodu da kamandavańnia i kiravańnia.
Bolš za toje, bataljonnyja taktyčnyja hrupy, jakija ŭznaŭlajucca va Ukrainie z acalełych častak niekalkich padraździaleńniaŭ, chutčej za ŭsio, buduć mienš efiektyŭnymi z-za niedachopu małodšych kamandziraŭ.
Uličvajučy šmatlikija vartyja davieru paviedamleńni ab łakalnych buntach siarod rasijskich sił va Ukrainie, niedachop vopytnych kamandziraŭ uzvodaŭ i rot, vierahodna, pryviadzie da dalejšaha źnižeńnia bajavoha duchu i zachavańnia drennaj dyscypliny.
Raniej u brytanskaj raźviedcy kanstatavali, što Rasija nie zmahła pravilna vykarystoŭvać svaje pavietrana-desantnyja vojski va Ukrainie, što pryviało da značnych strat u mnohich elitnych padraździaleńniach.