Nasta Kudasava. Pabiahu da sasny załacistaje. Vierš
Paetka apublikavała ŭ svaim fejsbuku novy vierš.
pabiahu da sasny załacistaje,
abdymu za šurpatuju taliju…
źziaje vieras naŭściaž amietystami,
cišyniu vydychaje kryštalnuju…
nataliłasia zołatam soniečnym
čystacieła majo śviatajannaje,
i tamu, navat źbitaja horyčču,
nie ŭpadu, nie zdranćvieju, nie źvianu ja.
navat ciemraju rospačy vohłaje
ja prajdu, ja zdaleju, ja vystaju.
tut čakajuć mianie ź pieramohaju
vieras moj i sasna załacistaja.