Taćcianu Mušynskuju zvolnili z časopisa «Mastactva»
Taćciana Mušynskaja — maci źniavolenaha hałoŭnaha redaktara «Našaj Nivy» Jahora Marcinoviča.
Joj prapanavali napisać zajavu ab zvalnieńni pa zhodzie bakoŭ, paviedamlaje Biełaruskaja rada kultury.
Taćciana Mušynskaja — viadomaja biełaruskaja žurnalistka, piśmieńnica, teatralny krytyk, libretyst. Aŭtarka dvuch dziasiatkaŭ knih. U 2013 hodzie stała pieramožcaj Nacyjanalnaj muzyčnaj premii ŭ naminacyi «Najlepšy žurnalist (muzyčny krytyk)». Redaktaram adździeła muzyki časopisa «Mastactva» jana pracavała z 1991 hoda.